Occitan

A comptar de 1877, d’arenas amoviblas, de fusta, son installadas dins los barris de la ciutat de Besièrs. Se debanan dins aquestas arenas pichòtas de novilladas e de corridas. Mas las darrièras arenas son destrusidas per lo fuoc en 1896. Lo conse Alphone Mas autoriza alara la construccion d’arenas vertadièras, segon l’iniciativa de M. Fayot, ancian director de las arenas de Nîmes, e de dos entrepreneires biterrencs, Gleize & Sautel.

Las obras començan en genièr 1897, mas la primièra corsa de taures se debana lo 17 de junh, mentre que las obras foguèsson pas encara acabadas ! L’istòria taurina de Besièrs començava !

De mai, un ric mecèna biterrenc, Fernand Castelbon de Beauxhostes, prepausa d’organizar dins aquestas arenas d’espectacles lirics. Amb l’ajuda de son amic lo compositor Camilla Saint-Saëns, va crear un festenal d’art liric força conegut, ont los artistas los mai famóses d’aquel temps se presentaran ; aquò bailharà à la ciutat l’escais de « Bayreuth francesa ».

En 1919, las arenas son engrunadas. Loïs Azaïs e Achille Gaillard fondan alara la Societat immobiliària de las arenas, que torna crompar l’edifici. En 1921, de grandas obras son menadas per sauvar las arenas e bastir subretot d’escalons de beton.

Al jorn de uèi, aquestas arenas de 13400 plaças aculhisson las corridas pendent la Féria del mes d’agost, mas tamben de concèrts e d’autres eveniments dins l’annada tota.